Төлем процедурасы

Төлемге VISA және MasterCard карталары қабылданады.

Интернет арқылы төлем қызметі төлемнің құпиялылығы мен қауіпсіздігін сақтау қағидалары бойынша Visa және MasterCard халықаралық төлем жүйелерінің Ережелеріне сәйкес жүзеге асырылады, ол үшін жабық байланыс арналары арқылы тексерудің, шифрлаудың және деректерді берудің ең заманауи әдістері қолданылады. Банк картасының мәліметтері енгізу қауіпсіз FreedomPay төлем бетінде жүзеге асырылады.

Деректерді енгізу бетінде банк картаңыздың нөмірін, карта иесінің атын, картаның қолданылу мерзімін, үш таңбалы қауіпсіздік кодын (VISA үшін CVV2 немесе MasterCard үшін CVC2) енгізу қажет болады. Қажетті барлық деректер картаның өзінде көрсетілген. Үш таңбалы қауіпсіздік коды — бұл картаның артқы жағында орналасқан үш сан.

Содан кейін сіз SMS арқылы келетін 3DSecure кодын енгізу үшін өз банкіңіздің бетіне бағытталасыз. Егер 3DSecure коды сізге келмесе, картаны шығарған банкке хабарласуыңыз қажет.

Төлемді орындаудан бас тарту жағдайлары:

• банк картасы интернет арқылы төлем жасауға арналмаған, бұл туралы Сіздің Банкіңізге хабарласу арқылы білуге болады;

• банк картасында төлем жасау үшін қаражат жеткіліксіз. Банк картасындағы қаражаттың қолжетімділігі туралы толығырақ ақпаратты картаны шығарған банкке хабарласу арқылы біле аласыз;

• банк картасының деректері қате енгізілді;

• банк картасының жарамдылық мерзімі аяқталған. Картаның жарамдылық мерзімі, әдетте, оның алдыңғы жағында көрсетілген (бұл картаның жарамды айы мен жылы). Картаның жарамдылық мерзімі туралы толығырақ ақпаратты картаны шығарған банкке хабарласу арқылы біле аласыз.

Сіз ұсынған жеке ақпарат (аты-жөніңіз, мекенжайыңыз, телефон нөміріңіз, email, банк картаңыздың нөмірі) құпия болып табылады және жария етуге жатпайды. Сіздің кредиттік картаңыздың деректері тек шифрланған түрде беріледі және біздің Web-серверде сақталмайды.

Бөліп төлеу

Сатушы клиентке Тауарларды бөліп төлеу арқылы сатып алу мүмкіндігін ұсына алады. Тауарларды бөліп төлеу тәртібі туралы нұсқаулықпен мұнда танысуға болады.

Teez бөліп төлеу тәртібін, сондай-ақ тартылатын серіктестерді өз қалауы бойынша анықтайды.

Тауарлар мен қызметтерге бөліп төлеуді ресімдеу біздің серіктестердің платформалары мен сервистері арқылы жүзеге асырылады.

Бөліп төлеуді мақұлдау, ұсыну шарттары, сондай-ақ бөліп төлеуді ресімдеу және орындау процесі толығымен платформада келісім жасалатын серіктестің жауапкершілігінде болады.

Teez бөліп төлеу мүмкіндігін беру туралы шешім үшін, сондай-ақ серіктес тарапынан болған бөліп төлеу шарттарының өзгерістері үшін жауапты емес.

Teez клиент Верификациядан өту және/немесе Тапсырысты ресімдеу барысында ұсынған деректерді бөліп төлеу мүмкіндігін қамтамасыз ететін серіктестерге және үшінші тұлғаларға келесі мақсаттарда бере алады:

• ұсынылған деректердің дұрыстығын тексеру және растау, төлем қабілеттілігін бағалау, үшінші тұлғалар алдындағы қарыздың бар- жоғын және оның мөлшерін анықтау;

• бөліп төлеу ұсынылатын және оның қызмет көрсетілуі, техникалық қамтамасыз етілуі және т.б. жүзеге асырылатын тиісті келісімді орындау.

Тауарды бөліп төлеуге сатып алған жағдайда тапсырыстан ішінара бас тартуға болмайды.

1. Бөліп төлеуді кім ұсынады? Бөліп төлеуді «Teez Logistics» ЖШС-мен жасасқан шарт бойынша «Airba FinTech» ЖШС-ы ұсынады.

2. Бөліп төлеуге Teez каталогындағы кез келген тауарды алуға болады ма? Иә, бөліп төлеуге Teez каталогындағы құны 10 000 ₸ басталатын кез келген тауарды немесе жалпы сомасы 10 000 ₸ басталатын бір қоржындағы бірнеше тауарды сатып ала аласыз.

3. Бөліп төлеуге алынған тауарды қалай қайтаруға болады? Егер сіздің тапсырысыңызда бір тауар болса, қайтару ережелерін ескере отырып, оны біздің тапсырыстарды беру пунктіне қайтарсаңыз болғаны. Тапсырыста бірнеше тауар болса, олардың барлығын бірге қайтаруға тура келеді.

4. Мен бөліп төлеуге бірнеше тауар алып, оның біреуін ғана қайтарғым келсе не болады? Қазіргі шарттарды ескере отырып, тапсырысты толығымен қайтаруға тура келеді. Сондықтан бөліп төлеуді қоржында тек бір ғана тауары бар тапсырыстарға ресімдеуді ұсынамыз.

5. Сатып алушылар үшін бөліп төлеу % қандай? Сатып алушылар үшін 3 және 6 айға бөліп төлеу пайызсыз, яғни сіз артық төлемейсіз. Қаласаңыз, брокердің қосымша ұсыныстарын қолдана аласыз.

6. Бұл несие ме? Жоқ, бұл бөліп төлеу — сатып алу сомасы 3 немесе 6 айға ешқандай пайызсыз теңдей бөлінеді. Брокердің ұсыныстарында өзге шарттардағы несие де болуы мүмкін — таңдау өз еркіңізде.

7. 3 және 6 айға ғана бөліп төлеуге болады ма? Иә, бөліп төлеуді ресімдеу кезінде сіз осы екі мерзімнің біреуін таңдай аласыз немесе брокердің қосымша ұсыныстарын қолдана аласыз.

8. Бөліп төлеудің максималды сомасы қандай? Бөліп төлеуді ресімдеу кезінде сіз максимум 2 000 000 ₸ дейін, несиені таңдасаңыз — 6 000 000 ₸ дейін өтінім қалдыра аласыз.

9. Өтінімді қарастыру мен банк шешімін күту қанша уақыт алады? 1-ден максимум 5 минутқа дейін.

10. Бірінші төлем қашан? Бөліп төлеудің бірінші төлемі — ресімделген сәттен 1 айдан кейін, бірақ кейбір банктерде алғашқы төлем күнін ертерек өзіңіз таңдай аласыз.

11. Мерзімінен бұрын өтеу мүмкіндігі бар ма? Иә, бірақ бұл функция сіз таңдаған банкте болған жағдайда.

12. Төлемнің мерзімін өткізіп алсам, не болады? Сізде Teez-де сатып алуға ешқандай шектеу болмайды, бірақ сізбен бөліп төлеуді ұсынған брокер байланысқа шығуы мүмкін.

Тауарды қайтару ережелері

Картамен төлем жасаған кезде қолма-қол ақшамен қайтару жүргізілмейді. Қайтару тәртібі халықаралық төлем жүйелерінің ережелерімен реттеледі. Тауарды қайтару процедурасы «Тұтынушылардың құқықтарын қорғау туралы» заңның 14-бабымен реттеледі.

• Тұтынушы тауарды қабылдағанға дейін кез келген уақытта, ал тауарды қабылдағаннан кейін — 14 күн ішінде одан бас тартуға құқылы.

• Сапалы тауарды қайтару оның тауарлық түрі, тұтынушылық қасиеттері, сондай-ақ көрсетілген тауарды сатып алу фактісі мен шарттарын растайтын құжат сақталған жағдайда мүмкін.

• Тұтынушы жеке-ерекше қасиеттері бар, тек оны сатып алушы адамның пайдалануына арналған сапалы тауардан бас тарта алмайды.

• Тауардан бас тартқан жағдайда, тұтынушыға тауардың құны мөлшерінде төленген ақша қайтарылады, бұл тауарды қайтару ережелеріне сәйкес жүзеге асырылады.

• Қайтарылмайтын тауарлар:

  • медициналық бұйымдар;

  • іш киім;

  • шұлық-ұйық бұйымы;

  • ұялы байланыс желілеріне қосуға болатын телефондар, планшеттер және басқа да абоненттік құрылғылар;

  • азық-түлік тауарлары.

Қате жүргізілген операциялар бойынша ақшаны қайтару үшін еркін формада хат жазып, оған төлқұжаттың және қате аударымды растайтын чектер/түбіртектердің көшірмелерін қоса ұсыну қажет. Бұл хатты [e-mail] электрондық поштасына жіберу керек.

Қайтарылатын сома сатып алу сомасына тең болады. Өтініш пен ақшаны қайтару мерзімі Компанияның Өтінішті алған сәтінен бастап есептеледі және мерекелік/демалыс күндерін есепке алмағанда жұмыс күндерімен анықталады.

Тауарды бөліп төлеу арқылы сатып алған жағдайда, тапсырысты жартылай қайтару мүмкін емес.

---