«Пікір үшін промокод» Науқанын өткізу ережелері

1. Жалпы ережелер

1.1. Осы «Пікір үшін промокод» науқанын өткізу Ережелері (бұдан әрі – Ережелер) «Пікір үшін промокод» науқанының (бұдан әрі – Науқан) өткізілу тәртібі мен шарттарын, оның ішінде, бірақ олармен шектелмей, жеңімпазды анықтау және жүлдені табыстау тәртібін белгілейді.

1.2. Науқан лотерея немесе құмар ойын болып табылмайды және қандай да бір түрде құмар ойындар ретінде орындалмайды немесе ол үшін қолданылмайды.

1.3. Науқанның ұйымдастырушысы – «Teez Logistics» ЖШС, БСН 231140010013, мекенжайы: Қазақстан Республикасы, Қарағанды облысы, Қарағанды қаласы, Қазыбек Би ауданы, 134 Есептік орам, 938 ғимарат, пошта индексі 100008 (бұдан әрі – «Ұйымдастырушы») болып табылады.

2. Ережелер мәтінінде қолданылатын терминдердің анықтамасы

2.1. Қатысуға өтінім – тұлғаның Науқанға қатысу ниетін растайтын осы Ережелердің 4.2-тармағына сәйкес орындайтын әрекеттерінің жиынтығы.

2.2. Жеке басты куәландыратын құжат – Қазақстан Республикасы азаматының жеке куәлігі, төлқұжаты.

2.3. Науқанға қатысушы – 18 (он сегіз) жасқа толған, ҚР азаматы болып табылатын, осы Ережелердің 4.2-тармағында белгіленген талаптарды орындаған және осы Ережелердің барлық талаптарына сай жеке тұлға.

2.4. Қазылар алқасы – Ұйымдастырушы Науқан Жеңімпазын осы Ережелерде көрсетілген тәртіппен бағалауға, іріктеуге және анықтауға уәкілеттілік берген тұлғалар.

3. Науқанның өткізілу мерзімі мен Науқанның жүлделері

3.1. Науқанның өткізілу мерзімі: 01.06.2025 жылдан бастап 10.07.2025 жылға дейін, Астана уақыты бойынша 23:59-ды қоса алғанда.

3.2. Науқанның өткізілу мерзімі мен кезеңдері:

3.2.1. Өтінімдерді қабылдау: 01.06.2025 ж. – 30.06.2025 ж. қоса алғанда;

3.2.2. Қатысушыларды модерациялау: 01.06.2025 ж. – 10.07.2025 ж. қоса алғанда;

3.3. Науқан Жеңімпаздары келесі Жүлделерді алады:

3.3.1. Teez маркетплейсінде 10 000 теңгеден жоғары сомаға сатып алғанда 5 000 теңге номиналындағы промокод;

3.3.2. Жүлделердің жалпы саны — 500 (бес жүз) промокод.

3.4. Ұйымдастырушы өз қалауы бойынша бұл туралы Қазақстан Республикасының қолданыстағы заңнамасына қайшы келмейтін тәсілмен хабарлап, Науқанды өткізу мерзімін, жүлде қорын және шарттарын кез келген уақытта толықтыру және/немесе өзгерту, сондай-ақ Науқанды толықтай немесе ішінара тоқтату, уақытша тоқтата тұру, күшін жою құқығын өзіне қалдырады. Маңызды өзгерістер туралы ақпарат https://www.instagram.com/teezkz/ әлеуметтік желісінде және https://docs.teez.kz/kk/customer/special-offers/promo-reviews. сайтында жарияланады.

4. Науқанға қатысу шарттары

4.1. Науқан Қазақстан Республикасының аумағында өткізіледі.

4.2. Осы Ережелердің 3.2-тармағында көрсетілген мерзімде Науқанның өткізілу кезеңінде, Қатысушылар келесі шарттарды орындау арқылы оған қатыса алады:

4.2.1. 01.06.2025 жылдан 30.06.2025 жылға дейінгі кезеңде, қоса алғанда, Teez маркетплейсінде https://teez.kz/ сілтемесі бойынша кез келген сомаға тапсырыс беріп, оны ТБП-дан (Teez тапсырыстарды беру пунктінен) алу;

4.2.2. Instagram, TikTok немесе Threads платформаларында Teez ТБП-сынан (тапсырыстарды беру пунктінен) алынған тапсырысты ашу және шолу пікірін «Бейнеролик» форматында жариялау. Таспада орналастырылған бейне-жарияланымдар қатысады, стористер емес;

4.2.3. Бейне-жарияланымның сипаттамасында, субтитрлер арқылы немесе бейнероликтің өзінде: «1 күнде жеткізетін қазақстандық маркетплейс» деп көрсетілу/айтылуы қажет;

4.2.4. Teez ТБП-сынан ашу және шолу пікірінің бейне-жарияланымының ұзақтығы 10 секундтан кем болмауы керек;

4.2.5. Бейнеролик ашу және шолу пікірін қамтуы керек, бейнероликте Teez ТБП-сы көрінетін болуы тиіс;

4.2.6. Жарияланымды 30.06.2025 ж. дейін өшірмеу;

4.2.7. Науқан қорытындысы шыққанға дейін Instagram, TikTok немесе Threads профилін ашық күйде ұстау;

4.2.8. Қатысушының Instagram, TikTok, Threads әлеуметтік желілеріндегі профильдері 01.01.2025 ж. дейін құрылған және әр платформада кемінде 150 жазылушысы болуы тиіс;

4.2.9. Instagram, TikTok немесе Threads платформаларының кіріктірілген функционалы арқылы @teezkz деп Teez-дің әлеуметтік желілердегі аккаунтын белгілеу;

4.2.10. Өзінің жарияланымының сілтемесін Instagram, TikTok немесе Threads платформаларындағы https://www.instagram.com/teezkz/, https://www.tiktok.com/@teezkz, https://www.threads.net/@teezkz профильдеріне директ-хабарлама арқылы жіберу.

4.3. Келесі жағдайлар Науқан талаптарына сай келмейді:

4.3.1. 4-тармақшада көрсетілген Науқанға қатысу Шарттарын орындамаған тұлға;

4.3.2. Осы Ережелердің 3.2-тармағында көрсетілген мерзімнен кейін жіберілген өтінімдер;

4.3.3. Бір тапсырыс нөмірі бойынша қайталанған өтінімдер;

4.3.4. Науқанның өткізілуі басталған сәтте 18 жасқа толмаған тұлға;

4.3.5. Қазақстан Республикасының азаматы болып табылмайтын тұлға;

4.3.6. Ұйымдастырушының қызметкері;

4.3.7. Ұйымдастырушымен ерекше қатынастармен байланысты тұлға, оның ішінде Ұйымдастырушының үлестес тұлғасы.

5. Науқан Жеңімпазын анықтау және Науқанның Жүлделерін беру тәртібі

5.1. Қатысушы бейнероликті жариялаған сәттен бастап 10 (он) жұмыс күні ішінде Ұйымдастырушы жауап ретінде директ-хабарлама арқылы 10 000 теңгеден басталатын сомаға сатып алған жағдайда қолдануға болатын номиналы 5 000 теңгелік Промокодты 4.2-тармақта көрсетілген барлық шарттарды орындаған әрбір Қатысушыға жібереді.

5.1.1. Науқан кезеңінің ішінде Бір Қатысушы әлеуметтік желідегі 1 (бір) бейне-жарияланым үшін 1 (бір) промокод ала алады.

5.1.2. Егер Қатысушы қате деректер көрсеткен болса, Ұйымдастырушы Жеңімпазға Жүлдені жеткізуге жауапты болмайды.

6. Авторлық құқықтар мен пайдалану құқықтары

6.1. Науқанға қатысушылар өздері пайдаланған барлық материалдардың кез келген үшінші тараптың авторлық және мүліктік құқықтарын бұзбайтынын растайды және өз жұмыстарына қатысты кез келген үшінші тараптың шағымдары Науқанның тиісті қатысушыларына бағытталатынымен келіседі. Ұйымдастырушы үшінші тараптың авторлық материалдары заңсыз пайдаланылған кез келген жұмысты байқауға қатысудан шеттете алады. «Пікір үшін промокод» Науқаны аясында ұсынылған барлық жұмыстардың авторлығы қатысушыларға тиесілі болып қалады. Қатысушылар жұмысты жасап, оны байқауға ұсыну арқылы Ұйымдастырушыға өз жұмыстарын кез келген түрде көбейту, өзгерту, жариялау құқығын шектеусіз береді.

7. Басқа шарттар

7.1. Қатысушының Науқанға қатысу фактісі оның осы Ережелермен танысуын және оның осы Ережелерге сәйкес Науқанға қатысуға келісімін білдіреді.

7.2. Науқанды Ұйымдастырушы Науқанға Қатысушының Науқан шарттарын орындау үшін шеккен шығындарының және кез келген басқа шығындарының орнын толтырмайды және өтемейді.

7.3. Ұйымдастырушы біржақты тәртіппен Науқанның Ережелері мен шарттарына өзгерістер мен толықтырулар енгізуге құқылы. Науқанның Ережелері мен шарттары өзгерген жағдайда, Ұйымдастырушы бұл туралы Ұйымдастырушының әлеуметтік желідегі парақшаларында (https://www.instagram.com/teezkz/, https://tiktok.com/@teezkz, https://www.threads.net/@teezkz) Науқан шарттарын орналастыру арқылы Науқанға Қатысушыларды хабардар етеді.

7.4. Науқанға Қатысушы Ережелерге өзгерістер мен толықтырулардың енгізілуін өз бетінше бақылауға міндеттенеді.

7.5. Егер Қатысушы Науқан шарттарын сақтамаса және/немесе алаяқтық әрекеттер жасаса және/немесе Науқан шеңберінде Қатысушыларға берілетін қандай да бір артықшылықтарды және/немесе көтермелеулерді теріс пайдаланса және/немесе Ұйымдастырушыға жаңылыстыратын мәліметтер немесе дұрыс емес ақпарат берсе, Ұйымдастырушы біржақты тәртіппен Науқанға Қатысушылардың қатарынан кез келген Қатысушыны ескертусіз алып тастауға құқылы.

7.6. Егер қандай да бір себептермен Науқанның кез келген аспектісі жоспарланғандай жүргізілмесе, оның ішінде, рұқсат етілмеген араласу, бұрмалау, техникалық ақаулар және Ұйымдастырушының бақылауына бағынбайтын, Науқанның орындалуын, қауіпсіздігін, адалдығын, тұтастығын немесе тиісті түрде өткізілуін бұрмалайтын немесе оған қатысты себептер болса, Ұйымдастырушы өз қалауымен науқанның күшін жою, тоқтату, өзгерту немесе тоқтата тұру туралы шешім қабылдай алады.

---