Рефералды бағдарламаға қатысу ережелері
1. Жалпы ережелер
1.1. Ұйымдастырушы — «Teez Logistics» ЖШС, БСН 231140010013, орналасқан мекенжайы: Қазақстан Республикасы, Қарағанды облысы, Қарағанды қаласы, Қазыбек би ауданы, 134 есептік орам, 938 құрылыс, пошталық индексі 100008 (әрі қарай – «Ұйымдастырушы»).
1.2. Рефералды бағдарлама аясында, белгіленген шарттар сақталған жағдайда, Ұйымдастырушы қатысушыларға жеке промокодтар шығарып, Пайдаланушыларға Тауарлар немесе Қызметтер үшін жеңілдіктер ұсынады.
1.3. Рефералды бағдарлама қатысушылары өздерінің жеке промокодтарын таратып, олардың бірегей промокодын қолдану арқылы орындалған әрбір алғашқы тапсырыс үшін 500 теңге көлемінде бонус (сыйақы) алады.
1.4. Пайдаланушы промокодтарды мобильді қосымшаның тиісті функционалы арқылы белсендіреді.
2. Рефералды бағдарламаға қатысу шарттары
2.1. Рефералды бағдарламаға қатысу үшін @ReferralTeezBot ботына сілтеме арқылы өтіп, тіркелу қажет.
2.2. Қатысушы 8000 теңгеден кем емес тапсырыс үшін 2000 теңге жеңілдік беретін жеке промокодты жасайды және оны кез келген ыңғайлы әлеуметтік желілер мен мессенджерлерде таратады.
2.3. Пайдаланушылар науқан шарттарын орындаған жағдайда, промокодты көрсетілген мерзім ішінде шектеусіз рет қолдана алады. Бір Тапсырысқа тек бір промокод қолдануға болады. Промокодтар сипаттамасында промокодтарды қолдануға тікелей тыйым салынған тауарларға қолданылмайды.
2.4. Қатысушыға оның промокодын қолдану арқылы жасалған әрбір алғашқы тапсырыс үшін 500 теңге көлемінде сыйақы беріледі. Промокодты қолдану арқылы жасалған қайталанатын тапсырыстар үшін бонус есептелмейді.
2.5. Ұйымдастырушы айына бір рет қатысушыға сыйақыны есептелген сома мөлшеріндегі промокод түрінде «ХХХХ теңге жеңілдік, кемінде ХХХХ+100 теңгеге тапсырыс бергенде» форматында жібереді.
2.6. Сыйақы тек қатысушының бірегей промокодын қолдану арқылы жасалған алғашқы тапсырыстар үшін, сонымен қатар орындалғанына 14 күн уақыт өткен және қайтарым жасалмаған тапсырыстар үшін ғана төленеді. Жойылған тапсырыстар үшін сыйақы да жойылады.
3. Ережелерді сақтау шектеулері мен бақылау
3.1. Егер науқан шарттарында өзгеше көрсетілмесе, бір Пайдаланушы әр Промокодты тек бір рет қана қолдана алады.
3.2. Промокодтарды қолдану шектеулерін айналып өту мақсатында бірнеше есептік жазба жасауға тыйым салынады. Осындай бұзушылықтар анықталған жағдайда, Ұйымдастырушы Тапсырысты жоюға және жеңілдікті беруден бас тартуға құқылы.
3.3. Тапсырысты алу кезінде беру пунктінің қызметкерлері алушыдан жеке басын куәландыратын құжатты талап етуге құқылы.
3.4. Ұйымдастырушы рефералды бағдарлама шарттарын бұзу немесе оны теріс пайдалану фактілері анықталған жағдайда, жеңілдік беруден бас тартуға немесе Тапсырысты жоюға құқылы.
4. Қосымша шарттар
4.2. Промокодтарды қолдану шарттары осы Ережелермен және жекелеген науқандардың қосымша шарттарымен реттеледі.
4.4. Ұйымдастырушы рефералды бағдарламаға және қолданыстағы промокодтар тізіміне өзгерістер енгізу, сондай-ақ олардың шарттарын, соның ішінде номиналын, минималды сатып алу сомасын, жарамдылық мерзімін және басқа да параметрлерін өзгерту құқығын өзіне қалдырады.
5. Промокод қолданылған тауарларды қайтару шарттары
5.1. Ішінара қайтару
Егер промокод қолданылған тапсырыстағы тауарлар ішінара қайтарылса, қайтару сомасы промокодпен берілген жеңілдікті ескере отырып, қайтарылатын тауардың құнына пропорционалды түрде есептеледі.
Қайтару сомасы қайтарылатын тауардың құнынан оның жалпы жеңілдік сомасындағы үлесін шегеру арқылы анықталады.
5.2. Тапсырысты толық қайтару
Егер Сатып алушы тапсырыстағы барлық тауарларды қайтарса, онда оған тек нақты төленген сома қайтарылады. Мұндай жағдайда промокод пайдаланылған болып есептеледі және оны қайта қолдану мүмкін болмайды.
5.3. Шектеулі қолданылатын промокодтар
Егер промокод науқан аясында бір реттік жеңілдік ретінде берілсе, тауар қайтарылғаннан кейін оны қайта қолдану мүмкін болмайды.
Егер тапсырыстың бір бөлігі ғана қайтарылса, промокод бойынша берілген жеңілдік тапсырыста қалған тауарлардың құнына пропорционалды түрде қайта есептеледі
Last updated
Was this helpful?