4.1. Дүкен құру

Сіз тіркеліп, Жеке деректер бөлімінде ақпарат толтырғаннан кейін дүкендер құра аласыз.

Барлығы 20 дүкенге дейін құруға болады. Егер сіз әртүрлі санаттағы тауарларды сатқыңыз келсе (мысалы, балалар киімдері мен зоотауарлар), бірнеше дүкен құруды ұсынамыз. Бұл сізге олардың әрқайсысы үшін брендтің бейнесін қалыптастыруға мүмкіндік береді.

Бұл сатып алушыларға қалай көрінеді

Қосымшада сатып алушылар тауар карточкасына кірген кезде сатушының дүкенін көреді. Олар сатушы туралы ақпаратты көру немесе барлық ассортиментпен танысу үшін дүкенге өте алады.

Дүкен қосу үшін жеке кабинетіңіздің сол жақ панеліндегі Дүкен құру батырмасын басыңыз.

Ашылған терезеде келесі өрістерді толтыру қажет:

• Дүкеннің атауы — Teez маркетплейсінің шегіндегі бірегей атау. Мұнда дүкеннің ассортиментін тізудің қажеті жоқ — бұл ақпаратты сипатына қоса аласыз.

• Дүкеннің сипаттамасы — бірнеше сөйлемдермен дүкен туралы айтып өтіңіз: ассортимент, брендтің артықшылықтары немесе миссиясы туралы. Мұнда заңды мекенжай мен фирмалық атауды қазақ және орыс тілдерінде жазыңыз — бұл Қазақстан Республикасының «Тұтынушылардың құқықтарын қорғау туралы» заңында талап етіледі.

Дүкен туралы ақпаратта мыналарды қолданбаңыз және атап өтпеңіз:

• Байланыс деректері мен мекенжайлар.

• Үшінші тарап сайттары, сервистері мен маркетплейстері.

• Teez функционалын айналып өтуге бағытталған жеңілдіктер, кешбэк және тауар қайтарымы.

• Орфографиялық және пунктуациялық қателіктері бар мәтін.

• CapsLock. Ерекше жағдай — бұл аббревиатура, жалпыға мәлім бренд немесе модель атауы.

• Бейәдеп мен намысқа тиетін сөздер.

Өтінеміз, назар аударыңыз: ережелерді бұзу дүкеніңіздің бұғатталуына әкелуі мүмкін.

Дүкен туралы ақпаратты өзгерткіңіз келсе, серіктестерді қолдау қызметінің ботында Дүкеннің атауын/сипаттамасын өзгерту батырмасын таңдаңыз және өтінім қалдырыңыз.

---