5.1. Жүкқұжат жасау

Әрбір жүкқұжат бойынша бір немесе бірнеше тауарлар қорабын немесе палетасын құрастыруға болады. Егер сіз жүкқұжатты жасамас бұрын тауар қораптарын жинаған болсаңыз, онда әр SKU-дың саны жүкқұжаттағы санына сәйкес келетіндігін тексеріңіз. Егер тауар көп болса, артығын алып тастаңыз, әйтпесе, біз қабылдау кезеңінде жөнелтуден бас тартамыз немесе артығын проблемалы тауарлар бөліміне жібереміз.

Жүкқұжат қалай құрылады

Жөнелтілім туралы құжатты жасау үшін Жүкқұжаттар бөліміне өтіп, Жүкқұжат жасау батырмасын басыңыз.

Осыдан кейін сіз таңдалған дүкендегі барлық тауарлар тізімін көресіз. Олардың арасынан сізге жүкқұжатқа қосылатын тауарларды таңдау қажет — олар оң жақ терезеде пайда болады. Қажетті SKU-ды жылдам табу үшін тауарды атауы немесе штрихкоды арқылы іздеңіз. Бірнеше дүкеннен тауарларды жөнелткіңіз келген жағдайда, олардың әрқайсысына жеке жүкқұжат жасау қажет.

Егер сіз таңдаулы тізімнен тауарды алып тастағыңыз келсе, сол жақ терезедегі құсбелгіні алып тастаңыз немесе оң жақ терезедегі себет белгішесін басыңыз. Әрі қарай, лимиттерге сәйкес әр тауардың қанша бірлігін қоймаға жөнелтуді жоспарлап отырғаныңызды көрсетіңіз, бірақ, бір данадан кем емес. Жүкқұжаттағы тауарлардың максималды саны 1 000 бірліктен аспайды.

Жеткізу лимиттерін қалай анықтаймыз

Барлық SKU үшін жөнелту лимиттерінің жүйесін енгіздік. Осылайша, қойма нашар сатылатын және жай ғана орын алатын тауарлармен толып қалмайды, ал сіз жеткізілімдерді жоспарлап, өтімсіз тауарлардың көп партияларын сатып алуда ақша жоғалтпайсыз.

Лимиттерді санатына қарамастан, барлық тауарлар үшін бірдей санаймыз: сатылымдар тарихы мен қалдықтарды қараймыз, соның негізінде болжам жасаймыз. Жөнелту лимиттерін санау кезінде әрі қарай оқиға өрбуінің төрт нұсқасы бар.

• Қоймаға ешқашан түспеген жаңа SKU. Жөнелту лимиті — 50 дана.

• Соңғы 30 күн ішінде сатылымда болмаған SKU. Жөнелту лимиті — сатылым тарихы жоқ жаңа SKU сияқты, 50 дана.

• Соңғы 30 күн ішінде сатылымда 14 күннен аз болған SKU. Жөнелтілуі мүмкін ең көп саны — қоймадағы қалдықты алып тастағанда 50 дана.

• Соңғы 30 күн ішінде сатылымда кемінде 14 күн болған SKU. Біз тауарды соңғы айда сатылған күндердегі сатып алуларды ескереміз, содан кейін біздің болжамдарымыз бойынша тауарлар тағы 90 күнге жеткілікті болатындай лимиттерді есептейміз. Сатып алушылар алып кеткен тапсырыстарды ғана сатып алулар деп санаймыз. Тауарды қайтарған жағдайда, лимиттерді есептеу кезінде оны ескермейтін боламыз.

Әр SKU-ға арналған лимиттерді күн сайын жаңартып отырамыз.

Қайта әкелуге арналған лимиттерді есептеу мысалы

1. Егер SKU соңғы 30 күн ішінде сатылымда 14 күннен аз болса

Мысалы, бір апта бұрын қоймаға иттерге арналған 30 ақшыл көк түсті табақ жүктедіңіз делік. Соңғы 30 күн ішінде ол сатылымда 7 күн ғана болды және осы уақытта сізден 6 табақ сатып алды. Сонда қоймада 24 данасы қалды.

Тауар сатылымда 14 күннен аз болғандықтан, сіз қазіргі қалдықтарды санағанда, ең көбі 50 дана әкеле аласыз: 50 – 24 = 26 дана.

Сатылымның 15 күні болған кезде, біз лимиттерді соңғы 30 күн ішінде сатылымда кемінде 14 күн тауарларға қолданылатын формула бойынша қайта есептейміз.

Сатылымның 15-ші күні келгенде, біз соңғы 30 күнде кемінде 14 күн сатылымда болған тауарларға арналған формуланы пайдалана отырып, лимиттерді қайта есептейміз.

2. Егер SKU соңғы 30 күн ішінде сатылымда кемінде 14 күн болса

Мысалы, сіз алғаш рет 50 сары кепка алып келдіңіз делік. Тауар сатылымда болған 25 күн ішінде сізден 43 дана сатып алды, оның 3 қайтарды. Сонда қоймады 10 дана қалды.

1. Қанша тауар сатылғанын және қайтарылмағанын есептейік: 43 – 3 = 40 дана.

2. Күніне қанша тауар сататындығыңызды есептейік: 40 / 25 = 1,6 дана.

3. Біздің болжамдарымыз бойынша сіз 90 күнде қанша дана сататындығыңызды есептейміз: 1,6 × 90 = 144 дана.

4. Қоймадағы қалдықтарды ескере отырып, қанша тауар әкелуге болатындығын есептейміз: 144 – 10 = 134 дана.

Жүк орындарының санын қалай анықтауға болады

Жүкқұжаттағы барлық тауарлардың санын толтырған кезде, Жүкқұжат жасау батырмасын басыңыз.

Әрі қарай сіз Жүк орындарының саны өрісінде келесіні көрсетуіңіз керек:

• егер сіз тауарларды қораптарға жөнелтсеңіз, жүкқұжат бойынша жиналған қораптардың саны;

• егер сіз тауарды палета ережелеріне сәйкес жөнелтсеңіз, жүкқұжат бойынша құрылған палеталар саны.

Жүк орындарының максималды саны — 1 000, бірақ жүкқұжаттағы тауар данасының санынан көп емес. Барлығын тексергеннен кейін Сақтау батырмасын басыңыз.

Бұл өрісті мұқият толтырыңыз: оны өзгертуге болмайды, әйтпесе сіз жүкқұжаттан бас тартуыңыз керек болады. Егер қораптардың немесе палеталардың нақты саны көп болып кетсе, сіз олардың бір бөлігін қоймаға жөнелту үшін қажетті жеке баркодтарды басып шығара алмайсыз.

Жүкқұжатты қалай жоюға болады

Егер сіз тауарды осы жүкқұжат бойынша жіберу туралы ойыңызды өзгерткен болсаңыз немесе оған өзгертулер енгізгіңіз келсе, қолжетімді жөнелту шектеулеріне әсер етпеуі үшін жүкқұжаттан бас тартыңыз.

Жүкқұжаттар бөліміне өтіп, жасалған жүкқұжатты басыңыз. Ашылған терезеде Жүкқұжаттан бас тарту батырмасын басыңыз. Жүкқұжаттан бас тартқаннан кейін ол жалпы тізімнен жоғалады.

---