«Көбірек жөнелту — көбірек ілгерілету» промо-науқанының ережелері

1. Жалпы ережелер

1.1. Бұл Ережелер Teez маркетплейсінің сатушылары (әрі қарай — Қатысушылар) арасында промо-науқанды (әрі қарай — Науқан) ұйымдастыру тәртібін анықтайды.

1.2. Науқанның ұйымдастырушысы – "Teez Logistics" ЖШС (әрі қарай — Ұйымдастырушы).

1.3. Науқан сатылымдарды арттыру мен сатушылармен серіктестік қарым-қатынастарды дамыту мақсатымен өткізіледі.

1.4. Науқанға қатысу ерікті түрде және тегін жүргізіледі.

2. Өткізілу мерзімдері

2.1. Науқан 2025 жылдың 29 қыркүйегінен басталып, 24 қазанға дейін өткізіледі.

2.2. Қорытындысы шығарылып, жеңімпаздар 2025 жылдың 31 қазанынан кешіктірілмей жарияланады.

3. Қатысу шарттары

3.1. Науқанға Teez маркетплейсінде тіркелген кез келген сатушы қатыса алады. Ол үшін Науқан кезеңінде Teez қоймасына 20 және одан көп жаңа SKU жөнелту қажет (18+ санатындағы тауарлар мен іш киімдер кірмейді).

3.2. Қатысушы жөнелту бойынша шарттарды орындаған жағдайда автоматты түрде Науқанға қосылған болып саналады.

3.3. Науқанның өткізілу мерзімінде қоймаға жөнелтілген тауар бірліктерінің жалпы саны ескеріледі.

3.4. Ұйымдастырушы ілгерілетуге жататын тауарларды таңдау құқығын көрнекі контенттің, маркетингтік шектеулер мен Teez бренд-саясатына сүйене отырып, өзіне қалдырады.

4. Жеңімпаздарды анықтау тәртібі

4.1. Кезең қорытындысы бойынша барлық Қатысушыларды жөнелтілген тауар бірліктері бойынша сұрыптау жүргізіледі.

4.2. Жөнелтулер саны бойынша рейтингте алғашқы үш орын алған 3 Қатысушы жеңімпаз атанады.

5. Сыйлықтар мен ілгерілету

5.1. Сыйлықтар келесідей ретпен үлестіріледі:

• 1 орын: 1 тауарды Teez қосымшасының бастапқы бетінде 7 күнге бекіту.

• 2 орын: 1 тауарды Teez қосымшасының бастапқы бетінде 6 күнге бекіту.

• 3 орын: 1 тауарды Teez қосымшасының бастапқы бетінде 3 күнге бекіту

5.2. Ұйымдастырушы Қатысушымен келісе отырып, орналастыру мерзімі мен форматын түзету құқығын өзіне қалдырады.

5.3. Сыйлықтар ақшалай өтеуге жатпайды.

5.4 Орналастыру жалпыға бірдей тәртіппен, жеке дизайн немесе безендірусіз орындалады.

6. Ерекше шарттар

6.1. Қоймаға нақты жөнелтілген тауарлар (қоймада қабылдауы расталған) ғана есепке алынады.

6.2. Қатысушы тарапынан ережебұзушылықтар анықталған жағдайда (деректерді қолдан жасау, қоймамен жұмыс істеу қағидаларын бұзу), Ұйымдастырушы оны еш түсініктемесіз Науқаннан шығарып тастауға құқылы.

6.3. Ұйымдастырушы Науқанға қатысуға әсер ететін техникалық ақаулар үшін жауап бермейді.

6.4. Ұйымдастырушы Қатысушыларға олардың Науқанға қатысуына немесе қатыса алмауына байланысты келтірілген қандай да бір шығындар үшін жауапты емес.

6.5. Ұйымдастырушы интернет-ресурстардың, мобильді қосымшаның, жөнелтілімдерді есепке алу жүйесінің және Науқанды өткізу барысында пайдаланылатын өзге де техникалық құралдардың үзіліссіз жұмысына кепілдік бермейді.

7. Ақпарат беру тәртібі

7.1. Науқан туралы ақпарат сатушының жеке кабинетінде, Teez сайтында және ресми коммуникация арналарында орналастырылады.

7.2. Қорытындылар ресми арналарда жарияланады және жеңімпаздарға жекелей жеткізіледі.

8. Деректерді өңдеуге келісім беру

8.1. Науқанға қатысу Қатысушының оның жеке деректерін Науқан өткізу және маркетингтік коммуникация мақсаттарында өңдеуге келісім беруін білдіреді.

9. Қорытынды ережелер

9.1. Ұйымдастырушы Қатысушыларды міндетті түрде хабардар ете отырып, Науқан шарттарын өзгерту құқығын өзінде қалдырады.

9.2. Келіссөздер арқылы реттелмеген даулар Қазақстан Республикасының заңнамасында белгіленген тәртіппен, Ұйымдастырушының орналасқан мекенжайы бойынша шешіледі.

---