4.4. Тауарларды модерациялау

Тауарлар тек қоймаға түскеннен кейін ғана модерациядан өтеді. Карточкаларды мұқият толтырыңыз: тауар сатылымға түскен кезде сатып алушылар оны модерациядан өтпеген болса да, бірден көре алады.

Фотосуреттерді модерациялау

SKU алғаш рет сатылымға шыққанда, біз оның фотосуреттері стандарттарға сай келетінін тексереміз.

Фотосуреттерді қалай жасайтынымыз туралы толығырақ Teez Studio — контент жасау бөлімінде айттық.

Фотосуреттердің модерацияның қай кезеңінде тұрғанын білу үшін Тауарлар бөліміне кіріп, карточканы түзетудің екінші қадамына өтіңіз. Егер SKU қоймаға түскен болса, Фотосурет мәртебесі бағанында келесі мәртебелердің бірін көресіз:

• Модерацияда — фотосуреттер модерация кезегінде тұр.

• Модерациядан өтті — сіздің фотосуреттеріңіз біздің стандарттарымызға сай келеді немесе біз Teez Studio түсірген фотосуреттерді жүктеп қойдық. Егер біздің стандарттарымыз бойынша қосымша фотосуреттер жүктегіңіз келсе, нысанды толтырыңыз.
• Модерациядан өтпеді — сіздің фотосуреттеріңіз стандарттарға сәйкес келмейді. Неліктен фотосурет қабылданбағанын білу үшін, белгісін басыңыз.

Тауар карточкасының модерациясы

Ең болмағанда бір SKU сатылымға шыққанда, біз тауар карточкасында мыналарды тексереміз:

• барлық толтырылған өрістерді;

• біздің ережелеріміздің бұзылмауын.

Жеке кабинетте карточканы модерациялау мәртебесін көрсетпейміз. Егер сіз көрсеткен ақпарат біздің ережелерімізді бұзса, біз оны түзете аламыз немесе тауарды бұғаттай аламыз.

---