2. Жұмыс шарттары

ТБП серіктестері үшін шарттар

Teez тапсырыс беру пункті — бұл пассивті кіріс бизнесі. Сізге тек жөндеу жұмыстарын жүргізіп, үй-жайды күтіп ұстау керек.

Біздің компанияда тапсырыс беру пункттерін іске қосудың өзіндік жүйесі бар. Біз терең талдау жасап, үй-жайларды мақұлдауға мұқият қараймыз, сондықтан басқа маркетплейстерден айырмашылығымыз — біздің модельде сіз минусқа түсе алмайсыз. Біз барлық тұрақты шығындарды өтейміз, ал сіз іске қосқан сәттен бастап кепілдендірілген табыс ала бастайсыз. Тапсырыстар санының өсуімен кірістілік біртіндеп артады. Орташа алғанда, беру пунктіне салынған инвестиция 2–2,5 жылда өзін-өзі ақтайды. ТБП жөндеуге және жабдықтауға сізге шамамен 7–9 млн ₸ кетеді.

Алғашқы отыз беру пунктін біз серіктестерімізді қолдау үшін өз қаражатымыздан ішінара жайластырамыз: кіреберісті фирмалық стильде (жарқын және айқын) жасаймыз, ішіне және сыртына маңдайшалар орнатамыз, сондай-ақ кондиционермен және жылу пердесімен қамтамасыз етеміз. Осының бәрі ТБП-ны сатып алушылар үшін неғұрлым айқын және жайлы етеді.

Кейде мәселелерді шешу үшін тапсырыс беру пунктіне келу қажет болуы мүмкін. Сондықтан ТБП-ны елді мекенде ашу керек, сонда сіз немесе сіздің сенімді тұлғаңыз мәселені шешу үшін сол жерге тез арада жете алады.

ТБП ашуға өтінімді осы нұсқаулықпен алдын ала таныса отырып, сайтта қалдыра аласыз — бұл өте маңызды. Бірнеше күн ішінде біз сіздермен байланысып, шарттар туралы толығырақ айтып береміз.

Teez өтейтін шығындар

Біз барлық ай сайынғы шығындарды жабуды өз мойнымызға аламыз:

• ТБП жұмысы басталған сәттен бастап үй-жайды жалға алу және коммуналдық төлемдер;

• жалақы, әкімшілерді оқыту және тестілеу;

• кеңсе тауарлары, шығын материалдары және промо-материалдар;

• байланыс пен интернетке ақы төлеу.

Егер ТБП-ға сәйкес үй-жай сіздің меншігіңізде болса, біз оны сіз басқа біреуге тапсырғандай нарықтық бағамен жалға аламыз.

Сондай-ақ біз сіздерде осы шығындарды төлеу кезінде салық төлеу түрінде қосымша шығындар пайда болатынын түсінеміз, сондықтан бұл шығындардың өтемақысы серіктестер сыйақысында ескерілген.

ТБП серіктестерінің сыйақысы

Бір ТБП сізге айына 125 000-нан 375 000 ₸ дейін әкеледі: сіздің табысыңыз тапсырыстар санының өсуімен өседі.

Айына тапсырыстар саны	Пайда, ₸
1500 дейін	125 000
1501 – 2 000	150 000
2 001 – 2 500	175 000
2 501 – 3 000	190 000
3 001 – 4 000	200 000
4 001 – 6 000	225 000
6 001 – 7 500	250 000
7 501 – 9 000	275 000
9 001 – 12 000	300 000
12 001 – 14 000	325 000
14 001 және одан жоғары	375 000

Сондай-ақ, сіз Teez келісімшартқа отырған үшінші тарап компанияларының тапсырыстарын бере аласыз. Әрбір осындай тапсырыс үшін біз сізге 150 ₸ төлейміз — бұл сіздің табысыңызды орта есеппен екі есе арттыруға мүмкіндік береді. Біз жақын арада үшінші тарап серіктестерінің тізімін жариялаймыз.

Қолайлы орынды таңдауға қаншалықты жауапкершілікпен қарасаңыз, беру пунктіңіз болашақта соншалықты табысты болады.

ТБП серіктестерінің міндеттері

ТБП іске қосылғаннан кейін сіздің негізгі міндетіңіз — оның үздіксіз жұмыс істеуін қамтамасыз ету. Ол үшін біздің қарапайым талаптарымызды орындаңыз:

• ТБП-ны қажетті техникамен қамтамасыз етіңіз: ноутбук, принтер, тінтуір, роутер, модем, телефон. Егер жабдықтың кез келгені бұзылса, оны тез арада жөндеу немесе жаңасына ауыстыру керек.

• Тапсырыстарды беру пункті белгіленген кесте бойынша жұмыс істеуі тиіс.

• ТБП-ның жай-күйін тиісті күйде ұстаңыз және бұзылуларды уақытында түзетіңіз.

• Жалдау ақысы мен коммуналдық қызметтерді уақытында төлеңіз, кеңсе, тұрмыстық керек-жарақтарды сатып алыңыз және қызметкерлерге жалақы төлеңіз. Келесі айдың басында біз сізге бұл шығындарды серіктестік сыйақымен бірге өтейміз.

• Teez аумақтық басқарушысымен, соның ішінде форс-мажорлық жағдайлар туындаған кезде байланысты қамтамасыз етіңіз.

---