1.3. Қауіпсіздік

Жақында бұл бөлімді қазақ тілінде жариялаймыз. Әзірге оны орыс тілінде оқи аласыз. Бұл үшін беттің жоғарғы сол жақ бұрышында тілді өзгертіңіз.

Біз Teez сатушыларының ешқайсысының алаяқтардан зардап шеккенін қаламаймыз, сондықтан, оларды анықтау үшін әртүрлі құралдарды қолданамыз және өзін қалай қорғауға болатыны туралы бірнеше ұсыныстар береміз.

1. Сіздердің есептік жазбаларыңызды тек біз ғана және тегін түрде ғана іске қосамыз. Сондықтан, егер біреу сізге ақылы түрде аккаунтты іске қосуды ұсынса, бұл алаяқтар.

2. Бөгде адамдарға сіздің жеке кабинетіңізге кіруге рұқсат бермеңіз. Тіпті сізге карточкаларды көтеріп беруге немесе басқа ғажайыптарға уәде берілсе де. Сіздің дүкенсіз қалуыңыздың қаупі бар.

3. Сатушылар үшін бізде бір Instagram-аккаунт, бір ресми Telegram-арна және бір ортақ чат бар, онда сіз біздің маркетплейстің басқа сатушыларымен сөйлесе аласыз.

4. Бізде тек бір Teez University білім беру бағдарламасы бар. Тек осы жерде компанияның топ-менеджерлері мен маркетплейстің ең жақсы сатушылары кәсіпкерлер мен дүкен басқарушыларына тауашаны қалай таңдауды, жеткізушілерді табуды, дүкенді ресімдеуді, процесстерді оңтайландыруды, орташа чекті арттыруды, кірісті көбейтуді және сан алуан бәсекелестердің ішінен ерекшеленуді үйретеді.

5. Teez қызметкерлері сізді бірегей оқуға, жабық топқа, таңдаулылар чатына немесе эксклюзивті курстарға шақырамыз деп чатта ешқашан жазбайды. Сонымен қатар, олар сізден картаға немесе шотқа ақша жинамайды: маркетплейстің барлық қызметтеріне ақы төлеу тек жеке кабинет арқылы жүзеге асырылады.

Ақпаратты тексеріп, кез келген күдікті жағдайда серіктестерді қолдау қызметіне жазыңыз.

Егер сіз жүйеде кез келген осалдықты тапсаңыз, бізге хабарлаңыз. Адал емес табыс үшін осалдықтарды пайдалануға, жеке кабинетте қаражат балансын көбейтуге және оларды шығаруға тыйым салынады — бұл алаяқтық.

Егер біз кез келген серіктестің адал емес немесе заңсыз әрекет ететінін көрсек, міндетті түрде шара қолданамыз, соның ішінде, есептік жазбаны бұғаттап, келісімшартты бұза аламыз.

---