.svg?alt=media&token=1b42432b-132d-44ff-b937-c9c7dff32b60)
7.2. Teez Packing — тауарларды қаптау
Last updated
Last updated
ТОО «Teez Technologies»
Teez Packing — бұл сіздің қалауларыңызды ескере отырып, тауарларды қысқа мерзімде аз ақыға жинайтын және оларды сатуға жіберетін сервис.
Негізгі қызметке қайта санау, ақаулардың болуын көзбен шолу (қаптаманы ашпай), штрихкодтау, жүкқұжат жасау және тауарды Қарағандыдағы қоймаға жіберу кіреді. Егер сіз Teez Packing қызметін пайдалансаңыз, оны өтінімдегі тауардың әрбір бірлігі үшін есептейміз.
Қажет болса, бөлек төлеуге тура келетін қосымша қызметтерді таңдауға болады. Мысалы, Сіздің сұранысыңыз бойынша біз:
визит карточкасын саламыз;
тауарды ұзындығы, ені және биіктігі бойынша өлшейміз;
тауар туралы ақпарат жапсырмасын жапсырамыз;
тауардың техникалық жағдайын тексереміз.
Teez Packing-те өтінімді қалыптастыру үшін өтінім үлгісін көшіріп, оны толтырып, серіктестерді қолдау қызметіне жіберу керек. Осылайша сіз қызметтердің алдын ала құнын көресіз, ал мамандар тауармен не істеу керектігін түсінеді. Болашақта біз сізге тікелей жеке кабинетте өтініш қалыптастыруға мүмкіндік беретін механизм әзірлейміз.
Әрі қарай, әр кезең туралы толығырақ айтып берейік.
Өтінішті толтыру үшін файлдың көшірмесін жасау керек: Файл → Создать копию (Файл → Көшірме жасау).
Файл атауына заңды тұлғаның немесе жеке кәсіпкердің атын және өтінімді серіктестерді қолдау қызметіне жіберетін күнді жазыңыз. Осылайша біз құжат пен түскен тауарды байланыстыра аламыз. Осыдан кейін Создать копию (Көшірме жасау) басыңыз.
Біз өтінімді жұмысқа алуымыз үшін кестенің тақырыпшасында мынаны көрсетіңіз:
дүкен иесінің ТАӘ;
ЖК/ЖШС атауы.
Әрі қарай, өтінімде сіз әкелгіңіз келетін тауарлар туралы негізгі ақпаратты толтырыңыз.
Тауар ID — жеке кабинеттегі тауар карточкасының нөмірі. Сіз оны Тауарлар бөлімінен әр тауардың атауының астынан таба аласыз. Карточканы қалай жасау керектігі 4.2. Тауар карточкаларын жасау бөлімінде айтылды.
Саны — бізге келетін әрбір SKU бірліктерінің жалпы санын көрсетіңіз.
Өзіндік құн — тауардың бір бірлігінің өзіндік құнын көрсетіңіз, бұл дұрыс жүкқұжатты жасау үшін қажет.
Түсініктеме — бізге өңдеу кезінде қажет болатын маңызды ақпарат. Мұнда міндетті түрде дүкеннің атауын көрсетіңіз. Әр карточкада бірнеше SKU болса, олардың неше данасын Teez Packing-те өңдеу қажет болатынын да жазыңыз.
Осыдан кейін әр тауарды дайындау туралы ақпаратты толтырыңыз.
Қорап нөмірі — тауар келетін қораптың нөмірін көрсетіңіз (мысалы, 1/20, 2/20 және т. б.). Егер бір SKU тауарлары әртүрлі қораптарда болса және сұрыпталмаған болса, осы өрісті өткізіп жіберіңіз, біз Сұрыптау қызметінің құнын есептейміз
Жиынтыққа жинау — біз бірнеше тауарды бір жиынтыққа жинай аламыз, мысалы, шолақ шалбар мен футболканы.
Қосымша қалаулар — егер сіз тізімнен тиісті қызметті таппасаңыз, тауармен не істеу керектігін жазыңыз: біз сіздің визиткаңызды сала аламыз, қорапты ашып, тауардың фотосуретін жібере аламыз, брендтік жапсырманы жапсыра аламыз, тауардың техникалық жағдайын тексере аламыз және т. б.
Қаптама — қажет болса, тізімнен қаптама түрін таңдаңыз. Қаптаманы таңдағанда, Teez packing қызметтерінің алдын ала құны орындалған жұмыс нәтижелерінің есебіне сай келуі үшін тауардың өлшемдерін ескеріңіз.
Өтінім файлын толтырып болғаннан кейін, кесте тақырыпшасында тауарлардың жалпы саны мен қызметтің алдын ала құны көрсетіледі. Өтінім бойынша көрсетілетін қызметтердің ең төменгі құны — 1 500 ₸.
Өтінімді толтырғаннан кейін файлды оқу рұқсатын мына сілтеме арқылы ашыңыз: Настройки доступа → Общий доступ → Всем, у кого есть ссылка → Копировать ссылку (Кіру баптаулары → жалпы қолжетімділік → Сілтемесі бар кез келген тұлға → Сілтемені көшіру).
Әрі қарай, серіктестерді қолдау қызметіне өтінім жіберіңіз: олар барлығын тексеріп, сізге жөнелтуге жақын күндерді ұсынады.
Әр қорапта келесі ақпарат көрсетілуі тиіс:
«Teez Packing» жазуы;
сіздің ЖК/ЖШС атауы;
жалпы қорап санының ішіндегі реттік нөмірі (мысалы, 1/2 және 2/2).
Қойманың мекенжайы: Қазақстан Республикасы, Қарағанды қаласы, Қазыбек би ауданы, 134 есептік орам, 938 құрылыс, корпус 4.
Тауарларды қоймаға қатаң түрде серіктестерді қолдау қызметімен келісілген күні әкеліңіз: біз 8:00-ден 20:00-ге дейін демалыссыз жұмыс істейміз. Тауарларды тапсыру үшін кіру құжаты мен сенімхат қажет емес.
