.svg?alt=media&token=1b42432b-132d-44ff-b937-c9c7dff32b60)
5.2. Тауарларды қаптау ережелері
Тауардың сапасын ғана емес, оның қаптамасын да қадағалау маңызды, өйткені, егер сатып алушы бүлінген тауарды алса, ол карточка мен дүкеннің рейтингіне теріс әсер ететін жағымсыз пікір қалдыруы мүмкін.
Біз өз тарапымыздан тауардың сатып алушыға түгел әрі қауіпсіз жетуі үшін бәрін жасаймыз: біз қоймадағы ұяшықтарда ұқыптап сақтаймыз, әр тапсырысты берік брендтелген курьер-пакетке саламыз, содан кейін оларды пластикалық тасымалдау қораптарында жеткіземіз.
Сіздің үлесіңіз — қоймада немесе жеткізу кезінде зақымдалмас үшін тауарларды қаптауда біздің қарапайым ережелерімізді сақтау.
Тауарды зақымданудан қорғаңыз: шаңнан, сызаттардан, штрихкод желімінен. Тауарды қалай қаптау керектігі туралы шешімді сіз өзіңіз қабылдайсыз, бірақ егер қабылдау кезінде қаптама біздің ережелерімізге сәйкес келмейтінін және тауарды зақымданудан қорғамайтынын байқасақ, оны бұрын қабылдаған болсақ та, оны проблемалы тауарлар бөліміне жібереміз — біз әрқашан әр бірлікті мұқият тексере алмаймыз.
1-қадам. Әрбір тауарды қаптаңыз
Барлық тауарларға қойылатын талаптар
Штрихкодтың көрінуі. Штрихкод тауардың қаптамасын ашпай-ақ оқылатын болуы керек.
Қаптаманың тауарға сәйкес келуі. Қаптама бейтарап немесе тауарға сәйкес болуы тиіс (мысалы, сіз автокөлік шамдарын сататын болсаңыз, оларды планшеттің қорабына орауға болмайды).
Өзге маркетплейстерді еске алу. Басқа маркетплейстердің брендтелген элементтерін (түрлі түсті скотч, штрихкодтар, жапсырмалар және т.б.).
Тауарға қоса берілетін сыйлық. Бонус ретінде тауардың жанына тамақ (сағыздар, мұз кәмпиттер және т. с. с.) салмаңыз. Азық түлік тауарларының жарамдылық мерзімі шектелген және сатып алушы шағымданған жағдайда біз бүлінген тауарды сатудан алып тастаймыз, ал заң бойынша сіз жауапкершілік артуыңыз мүмкін.
Жекелеген тауар санаттарына қойылатын талаптар
Жарамдылық мерзімі. Тауар заң бойынша жарамдылық мерзімі шектеулі санатқа жататын болса, ол біздің ережелірімізге сәйкес келуі тиіс. Өндірілген күні мен жарамдылық мерзімі біз тауарды қабылдау кезінде тексеруіміз үшін оны ашпай-ақ көрінетін болуы тиіс. Тауардағы бұл ақпарат көрінбесе, оны жеке қаптамаға көшіріп жазыңыз.
Сериялық нөмір мен IMEI. Тауар үшін заң бойынша бірегей идентификаторлардың (сериялық нөмір, IMEI) көрсетілуі қарастырылса, олар сканер арқылы жеке қаптама арқылы оқылуы тиіс.
Сынғыш тауарлар. Сынғыш тауарлардың қаптамасына мұқият мән беріп қараңыз: тауар дұрыс қорғалған және қаптаманың ішінде шайқалмауы үшін тығыз картонды немесе ауа-көпіршікті пленканы пайдаланыңыз.
Интимдік тауарлар 18+. Тауарды іші көрінбейтін қаптамаға (мысалы, курьер-пакетке) салыңыз. ашық мазмұнды кескіндері жоқ мүшеқаптар, лубриканттар мен өзге де интимдік косметиканы ашық қаптамаға салуға болады.
Аяқ киім. Қазақстан Республикасының заңдарына сәйкес, әр жұп аяқ киімде өндіруші, шығарушы елі туралы ақпарат пен сериялық нөмірді қамтитын таңбалау — Data Matrix бірегей коды болуы тиіс. Тауарда код болмаған жағдайда немесе кодтың оқылуы үшін оны ашу қажет болса, біз тауарды қабылдамаймыз.
Тауарлар жиынтықтары. Тауар жинақтан (жастық + көрпе, бес жұп шұлық және т. с. с.) тұрса, оның барлық бөліктерін бірге қаптап, содан соң сатып алушыға тауар бөліктеп емес, толығымен келуі үшін ортақ штрихкод пен «Жиынтық болып сатылады» жазуы бар стикерін жабыстырыңыз.
Иісі қатты шығатын тауарлар. Олар қымталанған күйінде қапталғанына — адамдарға жайсыздық тудырмайтынына және басқа тауарларды зақымдамайтынына көз жеткізіңіз.
2-қадам. Штрихкодтарды жабыстырыңыз
Штрихкодтарды термопринтер арқылы бірінші рет басып шығарып жатқан болсаңыз, баптауларда дұрыс заттаңба параметрлері көрсетілгеніне көз жеткізіңіз. Мысалы, Xprinter XP-365B термопринтерін қалай баптау керек екенін осы жерден біле аласыз.
Штрихкодтарды (SKU заттаңбалары) Жүкқұжаттар бөлімінде басып шығаруға болады. Ол үшін құрылған жүкқұжатты басыңыз. Ашылған терезеде штрихкодтардың сәйкес өлшемі мен SKU үшін этикетканы басып шығару типін таңдап, Этикетканы басып шығару батырмасын басып, оларды шығарып алыңыз.
Тапсырыстарды қабылдау және жинастыру кезінде штрихкодты оқу оңай болуы керек. Сіздің тауарыңыз ақауға түспеуі және сатып алушыға жетуі үшін қарапайым нұсқаулықтарды орындаңыз:
Басып шығару үшін термопринтерді немесе термотрансферлік принтерді пайдаланыңыз — олар әдетте қабылдауда қиындық тудырмайтын жоғары сапалы штрихкодтарды басып шығарады.
Бір тауарда тек бір штрихкод болуы керек, сондықтан, жүйелік штрихкодты зауыттық кодты толығымен жабатындай етіп жабыстырыңыз.
Штрихкодты бұрыштарға, қаптаманың ашылатын жерлеріне жабыстырмаңыз, сонымен қатар, олармен тауарды орап, скотчпен жаппаңыз.
Штрихкодты қаптаманың ең жіңішке бөлігінде көрсетіңіз. Көбінесе ұяшықтардағы тауарлар жіңішке жағымен жинақтаушыға бұрылып тұрады. Мысалы, егер тауардың өлшемі 40 × 20 × 5 см болса, штрихкодты 5 см алатын жағына жабыстырыңыз, егер штрихкод қаптаманың ең жіңішке бөлігіне сәйкес келмесе, оны келесі жағына жабыстырыңыз.
Тауардың алдыңғы жағына штрихкодты қолданбаңыз — бұл оның сыртқы түрін бұзады және сатып алушының қайтаруына себеп болуы мүмкін.
Болашақта біз жарқын түсті брендтік жапсырмалар жасауды жоспарлап отырмыз. Олар біздің сервисіміз бен стиліміздің бір бөлігі болады.
3-қадам. Тауарларды қораптарға немесе палеталарға салыңыз
Сіз тауарларды екі жолмен жинай аласыз:
қораптарға — шағын тауарларға арналған нұсқа. Бұл жағдайда, әр қораптың салмағы 50 кг-нан аспауы керек;
палеталарға — егер тауар қораптарға сыймаса. Бұл жағдайда палетаның биіктігі 120-дан 180 см-ге дейін болуы керек, ал ондағы тауар стретч-пленкамен мықтап оралуы қажет.
Әр қораптың ішіндегі әртүрлі тауарларды сұрыптау керек. Ол үшін:
бірдей штрихкодтары бар тауарларды топтарға біріктіріңіз;
пакеттер, қораптар, резеңкелер және т. б. арқылы әртүрлі тауарлардың топтарын бөліп қойыңыз;
сұрыпталған тауарларды қорапқа салыңыз.
Сұрыпталмаған SKU қайта есептелмейді — олар проблемалы тауарлар бөліміне түседі.
Тауарларды жинаған кезде маңызды ережелерді есте сақтаңыз:
тауар қоймаға аман-есен жетуі үшін сапалы қораптарды пайдаланыңыз;
ауыр тауарларды сынғыштардың үстіне қоймаңыз, денсаулыққа қауіпті (тұрмыстық химия, тыңайтқыштар және т. б.) тауарлармен бірге азық-түлік, электроникамен бірге сұйықтықтарды және иісі қатты шығатындармен бірге иісті сіңіретін тауарларды қоймаңыз;
сақтау және тасымалдау кезінде тауарларға зақым келтірмеу үшін оларды тығыздағыш заттарды: ауа-көпіршікті пленканы, гофрленген қағаз және т. б. пайдаланып қорапқа мықтап бекітіңіз.
Әрбір SKU-дың саны жүкқұжатдағыдан артық болмауы тиіс, әйтпесе артығын проблемалық тауарлар бөліміне жібереміз.
4-қадам. Жүкқұжаттарды басып шығарыңыз және баркодтарды жабыстырыңыз
Жүктердің көрсетілген саны іс жүзіндегі жүктерге сәйкес келетініне көз жеткізгенде, жүкқұжаттар мен баркодтарды басып шығаруға көшіңіз (қораптар мен палеталарға арналған жүк орындарының заттаңбалары). Ол үшін Жүкқұжаттар бөліміне өтіп, қажетті жүкқұжатты басыңыз.
Жүкқұжат — бұл сіз оған қосқан барлық тауарлардың тізімі бар ортақ құжат. Оны Жүкқұжатты басып шығару батырмасы арқылы бір данада басып шығару керек, содан кейін осы жүкқұжат бойынша жеткізілімдегі кез келген қорапқа немесе палетаға бекіту керек. Егер сізге қол қойылған жүкқұжат қажет болса, оны екі данада басып шығарыңыз: біреуін өзімізге қалдырамыз, ал екіншісін бірден қол қойып, сізге қайтарамыз.
Баркодтар — бұл сіз көрсеткен жүк орындарының санына қарай автоматты түрде құрылатын нақты қораптардың немесе палеталардың идентификаторлары. Олар әр жүк орны үшін жеке — бұл қабылдаудың кез келген кезеңінде тауарларды анықтауға мүмкіндік береді. Баркодтардың сәйкес өлшемі мен Жүк орындары үшін этикетканы басып шығару типін таңдап, содан соң Этикетканы басып шығару батырмасын басып, оларды шығарып алыңыз. Осыдан кейін әр баркодты қорапқа немесе палетаға сканермен оқылатындай етіп жабыстырыңыз.
Жеткізілім дайын, енді сіз тауарларды қоймаға жібере аласыз.
Last updated
